مش كده صح ولا ايه؟؟؟!!!

انا فى حلم ولا حقيقه؟؟؟
انا عايشه ولا لسه بمثل انى عايشه؟؟؟
انا فعلا لقيت الى انا عايزاه؟؟!!
كلامه صح ولا كدب؟؟؟
ولا هو اصلا مش حاسيس هو بيقول ايه
نفسى اتاكد بس ازاى؟؟؟
كلامه بيثبت انو فعلا كده
بس انا حاسه غير كده
انا كنت عايشه حياه عاديه
باكل واشرب وانام واذاكر واخرج واتكلم
واحلــــــــــــــــــــــــم بيه
ممكن يكون الحلم اتحقق!!!
ممكن اكون اخدت فرصه حياتى!!!
انا عايشه انا عايشه

استنى متتغريش متصدقيش
ده كله وهم وهم
وهيروح
ما انتى عارفاه
هو طابعه كده
ما بيحبش يجرح حد
هو اكيد حس بيكى وبيعطف عليكى

اه ما عشان انا عارفاه
انا بحبه
هو اكيد بيحبنى بجد مش فتره وهتعدى

طب يعنى فيها ايه لما تبقى فتره وتعدى
دا انتى مكنتيش تحلمى تكلميه بس
فيها ايه لما تعيشى يومين حلوين

بس انا كده بسرق الايام الحلوه

وفيها ايه لما تسرقيها

مش حرام

لا حرام

ولو حرام انتى مش بتقولى انها فتره وهتعدى

طب وفيها ايه ما كل الناس ظلمتك فيها ايه لما تظلمى نفسك انتى كمان
مش هتفرق

لا هتفرق

انا بحبه والى بيحب طماع وما بيشبعش من حبيبه
انا ما بفكرش إلا فيه وما بنامش إلا عشان احلم بيه
وما بسمعش إلا عشان اسمع كلام عنه

بصى يا بت خليكى ناصحه
انتى علقيه بيكى عشان لو كان مش بيحبك خليه يحبك
وفى الاول وفى الاخير هيبقى ليكى

خلاص خلاص لو انتى بتحبيه هتحبى ليه الخير
لو هو بيحبك يبقى خلاص الى انتى عايزاه اتحقق

ولا هو مش بيحبنى بقى؟؟؟

يبقى خلاص انتى ادعي له ان ربنا يوفقه ويلاقى الى يحبها ويعيش معاها حياه سعيده عشان تريحه
ولو هو ارتاح انتى كمان هترتاحى
مش كده صح ولا ايه