قصيدة رائعة لاحمد رامي يارب تعجبكم

قصيدة رائعة لاحمد رامي يارب تعجبكم
فاكر لما كنت جنبي والنسيم داعب غصون الشجر
والغصن مال ع الغصن قال
ما احلي الوصال للي انتظر
والفرحة تمت للاحباب الغصن عانق حبيبة
وانا اللي قلبي ف حبك داب من غير ما يبلغ نصيبة
العين ترعاك والروح تهواك وياريتني معاك
زي الغصون لو بعدت يوم جة النسيم قرب بينها
والغصن مال ع الغصن قال
ما احلي الوصال للي انتظر
فاكر لما كنت جنبي والغمام داعب جبين القمر
والنيل جاري والليل ساري
والموجة تجري ورا الموجة عايزة تطولها
تضمها وتشتكي حالها من بعد ما طال السفر
جة النسيم قرب بينها وكل موجة في احضانها
حبيب بعيد قرب بينها
والفرحة تمت للاحباب الموجة شبع من حبيبة
وانا اللي قلبي في حبك داب من غير ما يبلغ نصيبة
ويا ريتني زي الموج في النيل
صبر ونال وارتاح وقال
ما احلي الوصال للي انتظر


اتمني يكون اختياري عجبكم