عشت في حضنك سنين
وانا مش حاسة بيك
قلتلك بحبك عشان بس ارضيك
كنت بخاف تاخد بالك من عيوني وكلامها
حبيتني واديتني كل حنانك
معرفتش احبك ولا اديك مقابل حنانك
حلمت كتير بغيرك
حسيت اني مش فارقة اكون معاك او مع غيرك
حسيت مرة بيا
سألتني مالك دي مش عوايدك
انتي لية متغيرة عليا
خايفة اقولك واجرحك
ياما خليت الناس تنصحك
بس اعمل اية ؟؟
جرحتك بنظراتي ليك
خنتك بكلامي عليك
مخدتش حقك مني وسامحتني
ولية سامحتني ياريتك كنت جرحتني
دة انا كنت بضحكلك وانا مش حاسة بفرح
عديت ليالي بس ملقيتش منك اي جرح
فضلت جنبي وعايش ليا
ومفيش غيرك حاسس بيا
بقيت انا كل حياتك
وانت ولا حاجة في حياتي
طب لية وازاي مش حاسة بيك
ولية غيري بيتمنوا يكونوا ليك
اعمل اية واشكي لمين
دة انا في الوجع دة بقالي سنين
يارب رسيني على بر
دة انا من احساسي دة مفيش مفر
نفسي اديلك حقك
نفسي احس بيك
نفسي فعلا احس اني ليك
عقلي طار من كتر التفكير
سألت الناس ومحدش قالي تفسير
صبرك عليا طال .....
وانك تنساني بقى شئ محال
ربنا يصبرك ويصبرني
واحبك اد حبك ليا
موضوع: عشت في حضنك سنين 
